حبيبة يوسف بقلم مي أمين

ربنا يهديكي وسابها ودخل لحبيبة 
يوسف ممكن أفهم بټعيطي ليه هو الواحد ميعرفش يهزر معامي خالص 
حبيبة رفعت وشها اللي مليان دموع كان نفسي أفرحك . 
يوسف بابتسامة كبيرة وانا فرحان جدا بنوتي الجميلة جابت 99
حبيبة پصدمة مين دي 
يوسف انتي يا حبيبتي وباس دماغها مبروك يا بيبة 
حبيبة يوسف انت مش بتهزر صح 
سمية دخلت لا ياروحي هو بيتكلم جد كان عايز يخضك بس شوية ويعمل فيكي مقلب بس انتي قفشتي مبروك يا حبيبتي 
حبيبة حضنتها الله يبارك فيكي يا ماما 
دينا مبروك يا حبيبة متزعليش مني
حبيبة مش زعلانة منك انتي اختي وحضنتها 
سمية ها يا حلوين عايزين تدخلوا كلية ايه بقا 
دينا بطموح أنا عايزة ادخل طب أسنان 
سمية وانتي يا بيبة 
حبيبة أنا هدخل فنون جميلة 
يوسف بصلها واتكلم ليه يا بيبة 
حبيبة عشان بحب الكلية دي . 
سمية ربنا معاكو يا حبايبي . 
دخلت حبيبة فنون جميلة ودينا دخلت طب أسنان بس لسه بتغير منها 
باااااك . 
حبيبة فاقت من شرودها وبصت لقت نفسها رسمت لوحة فيها ولد عايز يضرب بنت وهي قاعدة علي الارض خاېفة منه دموعها نزلت لانها افتكرت يوسف لما كان عايز يضربها رمت اللوحة وقامت دخلت من البلكونة 
سمية حبيبة تيجي نروح النادي 
حبيبة بفرحة ياريت يا ماما ولا خلاص مش عايزة 
سمية ليه يا حبيبتي 
حبيبة بحزن عشان ابنك مانعني اني أطلع من البيت 
سمية ملكيش دعوة بيوسف خالص أنا بقولك يلا نروح 
حبيبة لا يا ماما أحسن يزعل مني ويجي عشان يضربني تاني 
سمية طيب تعالي اقعدي معايا قدام التليفزيون زمانهم راجعين عشان نتغدي مع بعض 
حبيبة حاضر 
بعد شوية وصل يوسف ومعاه دينا 
يوسف ازيك يا أمي
سمية الحمدلله يا حبيبي 
يوسف حضرلي لينا الغداء بقا أحسن واقع من الجوع 
سمية لاحظت ان يوسف متجاهل حبيبة تعالي الاكل جاهز يلا يا حبيبة يلا يا دنيا 
حبيبة مليش نفس يا ماما بعد اذنك هدخل أنام 
سمية حبيبة هي كلمة واحدة اقعدي عشان تاكلي مش كفاية مكلتيش من امبارح 
يوسف بص ل حبيبة وبعدين دور وشه 
حبيبة أنا فطرت معاكي الصبح 
سمية بتريقة ليه شيفاني هبلة انتي قعدتي تلعبي في الاكل مكلتيش حاجة خالص 
حبيبة طيب 
علي السفرة 
يوسف ماما كنت عاوزك في موضوع 
سمية خير يا يوسف 
يوسف أنا قررت أخطب !....
يتبع .....
البارت الرابع
يوسف أنا قررت أخطب 
سمية ودينا سابوا الاكل وبصوا ليوسف وحبيبة متكلمتش وبتلعب في الاكل 
سمية بهدوء مين دي يا يوسف والموضوع جه فجأة كدا
يوسف دي واحدة زميلتي في الشغل ومش فجأة ولا حاجة انا عايز ارتبط بيها من زمان
حبيبة اتكلمت بهدوء بتحبها
يوسف وانتي مالك اصلا احبها ولا لا مش انتي متعاقبة طالعة من اوضتك ليه.
حبيبة أنا آسفة بعد اذنكوا ودخلت اوضتها علطول
سمية بعصبية علي فكرة انت زودتها أوي مش كفاية اللي عملته امبارح وهي اصلا مظلومة
يوسف واللي هي عملته
سمية سألتها عن السبب ولا جيت تزعق وخلاص حبيبة عملت كدا لما اتخنقت من حركات أختك واللي بتعمله وحكت ليوسف اللي حصل واللي دينا عملته
يوسف دينا انتي عملتي كدا
دينا بخجل أيوا
يوسف هي دي تربيتي يا دينا بتشمتي فيها بتجرحيها قدام الناس وتقولي عليها هبلة
دينا أنا آسفة
سمية أسفك دا توجيه لحبيبة مش لينا احنا
دينا حاضر وراحت عند حبيبة 
دينا ممكن أدخل
حبيبة اتفضلي
دينا بخفوت أنا آسفة
حبيبة انتي طول عمرك بتكرهيني انا معملتش حاجة وحشة ليكي أنا طول عمري بحبك طول عمري بقول عليكي أختي لما لقيتك بتعامليني وحش بقيت اتعامل مع يوسف وماما كان نفسي نكون أصحاب وأخوات مش ذنبي اني

بابا وماما سابوني لوحدي . وقعدت ټعيط كان نفسي اروح عندهم هما سابوني هنا لوحدي
دينا عيطت علي حبيبة للدرجادي دي كانت وحشة معاها أنا آسفة متزعليش مني ڠصب عني كنت بغير منك طول عمرك واخدة اهتمام الكل والكل بيحبك لكن أنا محدش كان بيسأل عليا خالص حتي أمي
حبيبة عارفة بيعملوا معايا كدا ليه شفقة ! 
انا بالنسبة ليهم البنت اليتيمة اللي ملهاش حد بيعطفوا عليا أمك بتحاول تعوضني عن ماما وحنانها واخوكي بيعطف عليا ومتحملني في بيته عرفتي ليه بيعملوا كدا 
دينا حضنتها أنا آسفة اعتبريني اختك وغلطت عاقبيني باي حاجة بس بعدها سامحيني تعالي نبدأ تاني مع بعض أخوات وأصحاب لاخر العمر
حبيبة يعني مش هتعملي كدا تاني
دينا عمري ما أقدر ازعلك تاني حقك عليا
حبيبة وأنا مش زعلانة منك خلاص
دينا أختي الشطورة يلا بقا عشان نتغدي
حبيبة رجعت لورا لا أنا مش عايزة
دينا متزعليش من يوسف هوو..
حبيبة اقفلي الموضوع دا ملوش لزوم الكلام فيه
دينا حاضر أنا هروح اغير هدومي ونيجي نقعد سوا أنا وانتي
حبيبة وأنا هدخل البلكونة استناكي
دخلت حبيبة البلكونة لقت يوسف واقف في بلكونته ولما شافها جات تدخل أنا آسفة معرفش ان حضرتك هنا
يوسف استني
حبيبة وشها في الارض بعد اذنك أنا عايزة أنام وسابته ودخلت .
يوسف يارب ودخل هو كمان بس لمح اللوحة مرمية علي الارض وشاف المرسوم فيها واتنهد بحزن أنا آسف .
دخلت حبيبة الاوضة لقت سمية قاعدة مستنياها
حبيبة خير يا ماما
سمية ماما ! طب والله كويس انك اعتبرتيني مامتك كدا برضو يا حبيبة انا بتعامل معاكي شفقة أنا عمري ما فرقت بينك وبين يوسف ودينا كدا تقولي الكلام دا برضو
حبيبة حضنتها أنا أسفة دا انتي أمي وحبيبتي وكل حاجة حلوة في الدنيا دي أنا اتعصبت ڠصب عني حقك عليا يا ست الكل .
سمية كلي بعقلي حلاوة كلي أنا سمعتك من برا انا ويوسف وانتي بتتكلمي مع دينا وهو كان عايز يدخل يتكلم معاكي ويفهمك ان كل اللي في دماغك دا غلط بس أنا خليته يستني لما تتصافوا مع بعض وهو احترم رغبتي ودخل اوضته متضايق من كلامك .
حبيبة خلاص بقا متزعليش مني أما بالنسبة ليوسف فهو حر يزعل ولا يتضايق مليش دعوة بيه
سمية بخبث علي ماما برضو
حبيبة هو زعلني جامد وانا مش عايزة أكلمه خليه يتربي شوية
سمية خلاص نربيه يا ست البنات
دينا دخلت بتتكلموا في من غيري 
سمية مفيش حاجة يا حبيبتي
دينا صحيح يا ماما انتي هتوافقي علي العروسة
سمية مش عارفة والله يا دينا انتي ايه رأيك يا بيبة
حبيبة بلا مبالاه والله يا ماما دي حياته وهو حر فيها
سمية خلاص نخليه ياخد معاد ونروح نزورها
دينا تمام
سمية أنا هروح انام تصبحوا علي خير .
الاتنين مع بعض وانتي من أهله يا ماما
حبيبة ودينا قعدوا يهزروا مع بعض لحد ما ناموا الاتنين سوا .
تاني يوم علي الفطار
يوسف دينا عندك محاضرات النهاردة
دينا أيوا هخلص وأنزل أنا وحبيبة
يوسف احم وانتي يا حبيبة
حبيبة من غير ما تبصله ماما أنا هنزل مع دينا وهخلص متأخر عشان ضيعت امبارح ومروحتش متقلقيش عليا
يوسف طيب يلا أنا هوصلكوا في طريقي
نزلوا التلاتة وركبت حبيبة ورا ودينا ركبت جنب يوسف يوسف استغرب حركتها لانها علطول بتركب جنبه وبتتخانق مع دينا علي المكان دا
نزلت دينا علي كليتها واتبقي حبيبة
يوسف حبيبة تعالي اركبي قدام
حبيبة بتلعب في الفون وتضحك لا أنا مرتاحة كدا
يوسف أنا قلت تعالي هنا مش سواق خصوصي أنا
حبيبة پخوف حاضر وقامت

قعدت جنبه وهي خاېفة وكانت لازقة في الشباك وماسكة فونها وبعدها جالها رسالة شافتها فابتسمت
يوسف مين اللي بيكلمك مخليكي تضحكي كدا 
حبيبة دي دي ...
يتبع .....
البارت الخامس
حبيبة بتوتر دي دي واحدة صحبتي
يوسف صحبتك اممم طيب
حبيبة پصدمة أنت بتشك فيا يا يوسف
يوسف أشك فيكي ايه يا عبيطة أنت عايز اتكلم معاكي ممكن
حبيبة مش فاضية بعد اذنك عشان وصلنا
يوسف هتتعبيني معاكي .
دخلت حبيبة الكلية وحضرت كل المحاضرات اللي عليها وقابلت صحبتها وفي آخر اليوم جات تخرج حد نادي عليها
آنسة حبيبة 
حبيبة أيوا اتفضل
علي أنا علي معاكي في القسم ممكن أتكلم مع حضرتك
حبيبة خير
علي يعني كنت عايزك تعرفيني علي هدي صحبتك انا بصراحة معجب بيها وعايز اتقدم بس عايز أعرف رأيها الاول
حبيبة بابتسامة جميلة أكيد طبعا مفيش مشكلة ربنا يوفقكوا يارب
حبيبة !
لفت وراها لقت يوسف
يوسف مين اللي انتي واقفة معاه دا
علي جه يتكلم بس حبيبة سبقته دا علي زميلي في الكلية
يوسف وزميلك يقف معاكي ليه 
حبيبة مفيش كان بيطمن عليا عشان محضرتش امبارح انت جاي ليه
يوسف بزعل جاي ليه جاي عشان اخدك للبيت عشان الوقت اتأخر مش يلا
حبيبة تمام مع السلامة يا علي هبقي أكلمك بليل زي ما اتفقنا .
يوسف اقدر افهم يعني ايه زميلك وازاي تكلميه بليل
حبيبة علي عايز يجي يخطبني وانا قلتله هفكر
يوسف نعمممممم ووقف العربية فجأة
حبيبة براحة في ايه
يوسف انتي عايزة تتخطبي 
حبيبة والله أنا قلت هفكر ويلا عشان عايزة أروح
في البيت
يوسف ماما هنروح نخطب سلوي امتي
حبيبة طيب عن اذنك يا ماما عندي مكالمة مهمة
يوسف انتي هتقومي وتسيبنا مش عادتك يعني
حبيبة أصلي عندي موضوع مهم محتاج تفكير بعد اذنك
في الاوضة
حبيبة يا هدي افهميني هو شخص كويس جدا ومحترم وشكله فعلا محترم
هدي انتي عارفة ان الموضوع مش ف دماغي
حبيبة معلش اديله فرصة ع العموم نتقابل بكرا واحكيلك
تاني يوم حبيبة متجاهلة يوسف تماما ووصلها الكلية ولقاها راحت للمكان اللي فيه علي اتعصب ومشي
حبيبة علي أنا أسفة جدا علي اللي قلته امبارح
علي بابتسامة شكلك عايزة تربيه
حبيبة بابتسامة جدا
علي وانا معاكي بس تظبطيلي موضوع هدي .
حبيبة اتفقنا يلا بقا نحضر المحاضرات اللي ورانا
الايام بتمر ببطئ علي يوسف اللي مش عارف يتكلم مع حبيبة وزعلان من قرب علي منها 
حبيبة قريبت جدا من دينا وبقوا اصحاب وبيحكوا كل حاجة لبعض
علي اتقدم لهدي وهي وافقت عليه
في يوم يوسف راح يجيب حبيبة من الكلية لقاها واقفة مع علي وهدي بيهزروا ويضحكوا
يوسف حبيبة
حبيبة ايه دا يوسف مكنش ليه داعي خالص تيجي علي كان هيوصلنا
علي أكيد طبعا يا بيبة
يوسف كتر خيرك يا استاذ يلا يا حبيبة
حبيبة حاضر باي يا علي باي يا هدى وخرجت مع يوسف من غير كلام وركبوا العربية ومشيوا ومرة واحدة يوسف وقف علي جنب بالعربية واتكلم
يوسف ممكن أفهم هنفضل كدا لحد امتي 
حبيبة بلا مبالاه كدا ازاي يعني مش فاهمة!
يوسف حبيبة متستعبطيش عارف اني غلطت في حقك وزعلتك مني وعارف انك من حقك تعاقبيني بس مش بالطريقة دي بقالك 15 يوم مش بتتكلمي معايا ومتجهلاني .
حبيبة وأنت مش شايف أنك تستاهل العقاپ دا عارف انت عملت ايه أنت حكمت من غير ما تعرف الحقيقة جيت زعقت لي وقلت لي اني عيلة ودي تصرفات عيال عارف اني بخاف من الصوت العالي ومع ذلك عليت صوتك عليا كنت عايز تضربني بالقلم مع انك عمرك ما عملتها لأول مرة أحس باليتم جيت أدور علي بابا اتداري في حضنه ملقتهوش

كنت علطول بستخبي في ضهرك انت بس يومها انتي اللي زعلتني ملقتش حد اشتكيله منك عرفت أنت عملت