مديري

مديري رفض يرقيني ومكنش عايز يديني زيادة محترمة فاتصرفت أنا بنفسي .
في بداية شغلي كنت بشتغل مهندس في شركة مقاولات دفاعية لمدة حوالي 4 سنين وباخد الزيادات العادية 24 والترقيات اللي بتاخد سنين طويلة عشان توصلها.
اكتشفت إن في الوظيفة اللي أنا فيها مفيش أي ترقية كويسة وهفضل سنين جاية بقبض على قدي فقررت أدخل في مسار الإدارة وفعلا ادوني وظيفة مهندس مشروعات عشان أثبت نفسي.
بقيت ماسك فريق مكون من 4 مهندسين ومصمم و إداريين واشتغلنا وصممنا نظام اتباع ب 1 6 مليون دولار في أول سنة.
كمان الشركة خدت براءة اختراع بسببه وكمان الجيش الأمريكي رشحنا وبقينا من المتأهلين لنهائي جايزة أفضل فريق تقني متعاقد مع وزارة الدفاع في السنة مش فاكر الاسم بالظبط وسافرونا

واشنطن عشان حفلة تكريم كبيرة.
أنا قضيت 100 يوم بعيد عن أهلي في السنة دي ما بين سفر لاختبارات وموردين وزباين وده كان متعب جدا بس حققنا نجاح جامد.
ولما جه تقييم الأداء السنوي جالي 1010.
كنت مبسوط جدا لحد ما اكتشفت إن واحد من أعضاء فريقي اللي كان ليه مدير غير مديري اترقى بدري وأنا لأ وأنا كل اللي أخدته كان زيادة 3 كالعادة.
وقتها اتجننت.
رحت اتكلمت مع مديري وكان رده إن هو أصلا شايف إن الراجل ده مكنش يستاهل ترقية ولا زيادة كبيرة بس بما إن ده مش موظف عنده فهو مش مسؤول وملوش دعوة.
وقالي جرب تاني السنة الجاية وهنشوف.
قلت له لأ كده كتير.
من اليوم ده عملت اللي بيتقال عليه بشتغل على قد فلوسهم.
بقيت بشتغل ال ساعة وخلاص ومبسافرش إلا لو حابب ومبقتش أقعد وقت إضافي وكنت باخد أجازات براحتي تقريبا كل جمعة وباخد أجازاتي المرضية كلها وصحتي النفسية اتحسنت جدا.
الحاجة الوحيدة اللي فضلت أعملها زيادة كانت إني أستغل ميزانية التعليم فلوس الشركة مخصصاها للموظفين عشان يتعلموا ويتدربوا ويطوروا نفسهم من غير ما الموظف يدفع من جيبه اللي محدش تقريبا كان بيستخدمها.
الزميل اللي كان اترقى وأنا أصلا كنت بحبه ومش ضده فحاجة بدأ ياخد ماچستير في إدارة الأعمال بالليل والشركة كانت بتدفعله بس كان فيه إلزام إنه يفضل شغال عندهم عدد سنين معينة بعدها.
وكان فيه كمان ميزانية كويسة لكورسات السوفت وير من غير أي التزامات أو شروط فإحنا الاتنين سجلنا في كورسات تحليل إنشائي وتحليل عناصر FEA ونماذج 3D.
كنا بنسافر سوا ناخد الكورسات دي وكل واحد مننا كان بيبني ال CV بتاعه.
بعدها بشهر من وقت ما خلصنا الكورسات بدأت أقدم بشكل سري على شغلانات كانت بتطلب المهارات دي واتقبلت بسرعة.
الراتب الأساسي كان ضعف راتبي في شغلي وكمان بيدفعوا أوفر تايم.
يعني إجمالي دخلي في أول سنة كان تقريبا 3 أضعاف اللي كنت باخده.
قدمت استقالتي ومديري اتصدم وبقى زعلان جدا.
قالي إحنا لسه دافعين تكاليف سفرك وتدريبك على المهارات اللي إحنا محتاجينها! إزاي معندكش ولاء وأنت المفروض ابن الشركة مش حاسس بذنب بياخدوا كام خلينا نحاول نلاقي حل وسط!
وبعدين فجأة لما عرف كام وقف وقال ده أكتر من المرتب اللي أنا باخده!!!!
وآه فعلا كان أكتر من مرتبه.
وبالأوفرتايم وصلت إني أكسب 3 مرات أكتر من اللي كنت باخده في الشركة القديمة وده غير حياتي تماما.