خطيبي بقلم رين
- فـ.. فين؟!..
في شئ غريب فعلًا بيحصل معايا.. البيتـزا كانت كامله حرفيًا..
هو أنا بيحصلي إيه بالظبط،
خدتها منه وإعتذرتله..
المبــلغ كان ناقص فدخلت جوَّه أجيب فـلوس، خدت منه البــيتزا وحطيتها على الطربيزة.. فتحتها وخدت قطعة وأنا داخله أجيب الفــلوس،
وأنا جوَّه سـ.. سمعت صوت الباب وهو بيتقفل..
وقفت في مكاني عشان ألاقي سكــينه بتتحط على رقبتي.. كـ.. كان صوت صاحب الدليڤــري بعد ما بقى خــشن بشكل مرعــب وهو بيقول بعد ما قرَّب من ودني :
- بصي.. أنا مش هعمل فيكِ حاجة.. كل اللي عايزة السلســه اللي في رقبتك دي وأي ذهــب يخصك وأوعدك إني مش هلمسك.. في بنات كتيرة عاشت وسكتت بعد ما نفــذت كلامي.. بالــذوق كده إخلصي بدل ما أخلَّــص عليكِ..
= ...
- أنا هشيل أيدي أهو بس مسمعتش حســك.. عايزة تعيشي زيهم أعملي اللي بقولك عليه وأنا من طريق
وافقت بعد ما حرَّكت راسي،
ولما شال أيده.. ضربته بكوباية المايَّة اللي كانت على الكوميدينو بتاعي.. وطلعت أجري في الصالة، مع الأسف مسكني.. وزقِّيني على الطربيزة، راسي إصطــدمت بالأرض جامد فحسِّيت بدوخــه رهيبــه ومحستش بنفسي غير وأنا بتألــم على الأرض.. ولما عيوني جت على الأرض لقيت المج واقع والشاي في كل مكان على السجادة وشفت البيــتزا وهي واقعة على الأرض وناقصه منها قطعة واحدة بس..
وسمعت صوت إهتزاز تليفوني وهو على الأرض جنبي..
كـ.. كان خطيبي بيتصل،
حاولت أوصله مقدرتش..
بدأ الراجل يشــتم ويزعــقلي وأنا على الأرض بسبب الألـم اللي في راسه..وبدأ يكتــم صوتي لما سمعنا حد بيخبَّط على الباب..
محدش رد، وكان في هدوء غريب، الشخص خبَّط تاني ومشي،
أكيد حد من
صاحب الدليڤــري لما لقى أنه في خطـر قرر أنه يخلَّص عليَّا.. كـ.. كان شخص مخــتل حرفيًا..
مكنتش قادرة أتحرَّك ومن خوفي من السكــينه وهي بتقرَّب مني في مشهد بطئ ومرعــب غمضتها..
وفجأة سمعت صوت شئ قوي، فتحت عيني وشفت الراجل وقع على الأرض جنبي، و.. وشفته شفت خطيبي قدامي.. وهو واقف قدام التليفزيون وماسك الفازه وهي كلها دم.. كان ضرب الشخص المخــتل على راسه بيها..
ولوهله..
بدأت أفهم،
لما شفت خطيبي والمج، البيتــزا، تليفوني.. المشهد كله وضح ليَّا وده لأني في حاجات كتيره بشوفها قبل ما بتحصل..
فهمت كل حاجة..
خطيبي طلــب الشــرطة وبدأ يهتم بيَّا وقال :
- قولتلك كتير تخلِّي بالك من تصرفاتك عشان إنتِ عايشة لوحدك..
= أنا معرفش مالي النهاردة..
- كويس إنك نسيتي البلكونة مفتوحة.. خدتي الدوا بتاعك؟!
= اه.. أ.
- معرفش إنتِ أتخيلتي إيه في الشات.. بس كويس إنك زعلتي عشان لما زعلتي قررت إني آجي وأصالحك.. خبطت عالباب ومفتحتيش.. قلقت وسمعت صوت صــرخة حسِّيت إن في شئ مش طبيعي.. ودخلت من البلكونة زي الحـراميه.. لولا أنك في الدور الأول مكنتش لحقتك.. وإحساسي طلع في محله..
سكتَّ وأنا بحاول أستوعب،
حدســي اللي بهــرب منه طول عمري ورؤيتي أشياء قبل ما تحصل.. كان سبب في إني حاولت كتير أخلص منه..
و النهاردة،
الشئ اللي طول الوقت كنت بهــرب منه كان هو السبب اللي أنقذ حياتي..
هي الدنيا كده .. عمرك ما هتفهم فيها حاجه؛
بصِّيت لخطيبي وقولتله :
- أنا مصدقة إنك ممســحتش حاجة..
= ولا عمري هعمل أي حاجة تضــايقك زي ما وعدتك إني هفضل طول عمري جنبك.
- مصدَّقاك.
إسكربت_تخيلي
ما رواه قلمي بقلم رِيـن 🖊️
